ŽIVKOVIĆ: Jučerašnja lomača na kojoj je slobodna riječ gorjela u plamenu, zapaljena je prije tri godine

Kada institucije progone „slobodnu riječ“, one koji ne ćute na nepočinstva i rušenje svih civilizacijskih vrijednosti u društvu, logično da će isti biti progonjeni i na ulici, kazao predjednik Demokratske partije socijalista (DPS) Danijel Živković.

„Sve dok institucije ćute na širenje nacionalizma i šovinizma, potpuno je očekivano da se desi spaljivanje slobodne misli i književnog opusa Andreja Nikoladisa. Kada institucije ne učine ništa da zaustave širenje šovinizma, onda je sljedeća faza spaljivanje pravih ljudi, a ne njihovih lutki“, naveo je on.

Kako dodaje, danas je to u Herceg Novom, a sjutra će biti još brutalnije na nekom drugom mjestu, „uz opravdanje da ne razumijemo inicijativnosti i velike ideje karnevala.“

„Pravdati ovakvo ponašanje i proglašavati žrtvu krivcem samo je nastavak relativizacije brutalnog obračuna sa svakim ko misli drugačije i javno konstatuje sunovrat koji se dešava u Crnoj Gori. Jučerašnja lomača na kojoj je slobodna riječ gorjela u plamenu, zapaljena je prije tri godine, i od tada je samo rasplamsavaju od prilike do prilike“, zaključuje Živković.