Francuzi u drami stigli do titule prvaka Evrope

Francuski rukometaši su olimpijskoj dodali i evropsku titulu.

“Eksperti” su u finalu savladali Dansku nakon produžetaka 33:31 i četvrti put u istoriji postali prvaci Evrope. Prvi od 2014.

Danska je u regularnom dijelu kod 27:27 imala napad za pobjedu, a onda se produžecima dugo igralo gol za gol.

U drugom je Francuska počela bolje i prvi put povela (30:29), a onda i 31:29 na tri minuta do kraja.

Danska je u drugom produžetku stala, Francuzi propustili šansu da prvi put odu na plus tri prije nego je Mikel Hansen smanio na 31:30 minut do kraja.

Ipak, Prandi – junak polufinala protiv Švedske – 20 sekundi prije kraja je zatresao mrežu i stavio tačku.