Košarkaši Partizana pobijedili su večeras na svom parketu Zadar sa 114:77, u meču 13. kola regionalne ABA lige.
Partizan je do pobjede predvodio Tristan Vukčević sa 23 poena, devet skokova i četiri asistencije, a pratili su ga Aleksa Avramović sa 16, Balša Koprivica sa 14 i Alen Samilagić i Joanis Papapetru sa po 13 poena.
Kod Zadra, bolji od ostalih bio je Luka Božić sa 19 poena, 10 skokova i šest asistencija.
Partizan je zabilježio 11 pobjeda i dva poraza i zauzima prvo mjesto na tabeli. Zadar je na šestom mjestu sa skorom od sedam pobjeda i šest poraza.
U narednom kolu, Partizan će dočekati Cibonu, dok će Zadar gostovati Studentskom centru.
